Қойылымнан рухани азық алған күн!

«Қазақ тілі мен әдебиеті пәндерінің мұғалімі» мамандығының екінші курс студенттері Қ. Қуанышбаев атындағы Қазақ ұлттық драма театрының 34-ші маусымындағы «Абай» қойылымына саяхат-сабақ жасады. Ұлы ақынның өмірі мен шығармашылығына арналған спектакль әрбір студенттің жүрегіне ой салып, терең әсер қалдырды.
Бұл сапар тек театр өнерін тамашалау ғана емес, қазақ руханиятының алтын қазынасын тануға, Абайдың өсиеттерін жүрекке сіңіруге арналған ерекше сабақ болды.
Топ жетекшісі Жетібаева Ботакөз Нұрғазиқызына осындай рухани маңызды саяхат ұйымдастырғаны үшін алғысымыз шексіз!
Театр — тәрбие мен шабыттың орталығы. Сіздер де ұмытылмас әсерге бөленгілеріңіз келсе, Қуанышбаев театрының қойылымдарын тамашалауды ұсынамыз!