Month: Қыркүйек 2024

“Біртұтас тәрбие” бағдарламасы аясында “Қазақ тілі мен әдебиеті мұғалімі” мамандығы мен “Мектепке дейінгі тәрбие” мамандық сұлу қыздары арасында “Бұрымды қыз – білімді қыз” челленджі өткізілді. “Қос бұрым – қыздың көркі” деп санаған дана халқымыз қыз баланың бар сұлулығын, әдепті, әдемі, ибалы мінезін бұрыммен байластырған. Қазақ қыздарының бұрымдарының киесі, қадір – қасиеті бар деп оларды әдемі әшекей бұйымдармен, шашбаулармен әсемдеген.  

Сенбіліктің мақсаты – қаланың экологиялық жағдайын жақсартуға атсалысу, студенттерге қоршаған ортаның тазалығына жауапкершілікпен қарау сезімін қалыптастыру, сондай-ақ бірлескен еңбек мәдениетін және табиғатты қорғауға деген қамқорлықты тәрбиелеу.

ЕАГИ студенттері Ұлттық академиялық кітапханада өткізілген “КітапТайм – 2024” фестиваліне қыркүйектің 20 күні барып көрермен болды. Бұл республикалық іс шара жас өспірімдерді кітап оқуға баулуға, интеллектуалды дамуына септігін тигізуге және де студенттеріміздің рухани дамуын насихаттауға бағытталған.

2024 жылғы 19 қыркүйекте «Туризм» мамандығының екінші курс студенттері туристік маршруттарды ұйымдастыруды тәжірибе жүзінде зерттеп, аймақтың табиғи көрікті жерлерімен танысу үшін Сұңқар тауларына барды. Студенттер тек әдемі табиғат көріністерінен ләззат алып қана қоймай, сонымен қатар туристік салада жұмыс істеу бойынша құнды тәжірибе жинады.  

«Біртұтас тәрбие» жобасы аясында ПР-32 тобының студенттері: Лапина Софья, Сидиков Рашид және Тулеутай Ансар Қазақстан Республикасының Президенті Қасым-Жомарт Тоқаевтың Жолдауын талдады. Шараның мақсаты — Еуразия гуманитарлық институты жоғары колледжінің 1, 2, 3 курс студенттерінің құқықтық сауаттылығын және медиа мәдениетін арттыру. Талқылау барысында мемлекеттік басқару, экологиялық және киберқауіпсіздікке қатысты маңызды тақырыптар қозғалды.

17.09.2024 жылы, Еуразия гуманитарлық институтының жоғары колледжінде салауатты өмір салтын ұстанатын дәрігерлер ПР-11, ПВР-11, ПВК-11 топ студенттерімен «Дұрыс тамақтану принциптері», «Энергетиктердің ағзаға әсері», «Жыныстық жолмен берілетін инфекциялар» тақырыбында семинарлар өткізді. Семинарда иммундық жүйе және жалпы денсаулық үшін салауатты өмір салтын сақтау ережелері жайында маңызды мәселелер көтерілді. Вейпинг пен энергетикалық сусындарды шамадан тыс тұтынудың алдын алу бойынша ақпараттық-түсіндіру жұмыстары жүргізілді.

2024 жылғы 9 қыркүйекте Еуразия гуманитарлық институтының жоғары колледжінде Президенттің халыққа Жолдауы – «Әділетті Қазақстан: құқықтық тәртіп, экономикалық өсу, қоғамдық оптимизм» тақырыбында пікірталас түрінде дәріс өткізілді.

Алғашкы студенттік өмірге қадам басқандарыңызбен шын жүректен құттыктаймыз! Алдағы уақытта сіздерге тек қажымас қайрат тілейміз. Алған білімдеріңіз сіздерге бақ әкеліп, еңбектеріңіз еселене берсін. Жаңа өмірде жұлдыздай боп жарқырап жүріңіздер. Бүгін 01.09.2024 жылы ЕАГИ жоғары колледжінде дәстүрлі студенттерді қабылдау рәсімі болды.