Бірінші курс студенттерінің бейімделу тренингтері

Қыркүйек айында Еуразия гуманитарлық институтының Жоғары колледжінде бірінші курс студенттеріне арналған бейімделу тренингтері өткізілді. Тренингтің негізгі мақсаты – студенттердің жаңа оқу ортасына тез бейімделуіне, өзара сенім мен қолдау атмосферасын қалыптастыруға, сондай-ақ топ ішіндегі қарым-қатынасты жақсартуға жағдай жасау болды.
Колледж психологы Назым Ержановна жүргізген «Сәлем, топ – бұл мен!» атты тренинг барысында студенттер ойын түрінде бір-бірімен танысып, өздерін еркін көрсетуге, өзара түсіністік пен сыйластық орнатуға үйренді.
Шара жылы әрі достық жағдайда өтті. Әр қатысушы өз ойын еркін айтып, жаңа ортада өз орнын табуға мүмкіндік алды. Студенттер тренингтің арқасында бір-бірін жақсырақ танып, өзара қарым-қатынасты нығайтқанын атап өтті.
Мұндай іс-шаралар бірінші курс студенттерінің сәтті бейімделуіне және оқу орнындағы қолайлы психологиялық ахуалдың қалыптасуына ықпал етеді.